Mémoire d'Opale

Bailleul-aux-Corneilles (Bailleu à chés Cornailles, en Picard)

Voir le sujet précédent Voir le sujet suivant Aller en bas

Bailleul-aux-Corneilles (Bailleu à chés Cornailles, en Picard)

Message par Gérard Holuigue le Ven 6 Mai 2016 - 4:54

Est-ce qu'il ya des descendants de Jean le Parmentier?
_______________________________________________________________________________

Maistre Jehan de Houllingue vends une maison à Samer (13/2/1506)

Bibliothèque de Boulogne





Collection Louis Géneau, Registre No 4, Samer-Eglise, original parchemin, sceau disparu, 1506 (n.s.)



A tous ceulx quy ces presentes lettres verront, Jehan Loizel, escuier lieutenant de Monssr le bailly de Sammer, pour vénérables et discrets Messrs les Religieulx Abbés et couvent de Sammer au bois, salut - Scavoir faisons au jour d’huy par devant nous, en le présence de Robert Placier, Herry de Raulers desservant pour Engueren de Dourier, et Baudechon du Temple desservant pour Jehen Pevion, tous hommes et desservans jugant audit baillage de Sammer. Comparurent en leur personnes Anthoine Larde, greffier demourant à Sammer, mary et bail de Jehenne le Maire, auctorisiée de son dit mary, lacquelle auctorité elle a prinz en elle agreablement, sans contrainte nulle, et Maistre Jehan de Houllingue, filz aisné et héritier de la dicte Jehenne. Et ont recognut ycelles parties chascun endroit soy et mesmement ycelle femme auctorisiée comme dessus, que pour leur proucffit cler, evident, apparant, mieulx faire que laissier, et pour acroissement de leurs cens, rentes, possessions et revenues, ilz ont bailliet et par le teneur de ces presentes, baillent à luste et léal pris de cens et rente annuelle et héritable, à sire Jehan Le Parmentier, prestre, curé de Balloeul à Cornailles1 en Artois, ung lieu manoir tenement amasé séant sur le marchié de Sammer, aboutant d’un bout à le maison et hostel Robin Frerecocq, d’aultre bout au tenement Jehan Noel dit Gavain à cause de sa femme, d’une liste, sur ledit marché de Sammer, et, d’autre liste, sur le chimetière de l’église Saint Martin en Sammer. A le cerge et par paiant chascun an les rentes fonsières pour ce deuves à mesdis srs aulx termes acoustumés, et à la cerge de paier chascun an de rente que l’on dit sourcens ausd, comparans, la somme de trente huit soubz parsiz, à paier ycelle somme à deux termes et paiemens en l’an, est assavoir Saint Remy et Pasques. Premier terme de paiement à le Saint Remy prochain venant qui sera en l’an chinq sens et sept, le second terme a pasques enssuivant qui sera en l’an chinq sens et huit. Et ainsi enssuivant d’an en an et de terme en terme héritablement et à tous les jours; et aussy de paier à l’église Saint Martin la somme de dix soubs parisis pour deux obis qui seront dix et célébrés en la dicte église. Et pour la recongnoissance de ce présent baillement, demye livre de chire à mes dits sieurs de Sammer, terme de Pasques chascun an. Pour dudict lieu manoir et tenement ainssy que le tout se comprent et estant entre ces bournes et anchiens enseignemens, joïr, user et possesser par ledict sire Jehan prendeur, ses hoirs ou aïans cause, héritablement et à tous les jours; lequel lieu dessus déclarié, yceulx comparans ont raporté et raportent en notre main comme en main de seigneur et y ont renonchet et renonchent du tout au prouffit dudict sire Jehan prendeur. Et ad ce tenir, furnir, parvenir, despéchier et garandir et faire joir yceulx comparans, ont obligié chascun endroit soy et toux leurs biens et héritaiges et ceulx de leurs hoirs présens et advenir, renonchans par leur foy et serrement; ycelle femme auctorisée comme dessus, et le dict Maistre Jehan in verbo sacerdotis, à toutes choses generalement et especialement que aidier ou vouloir leur poroient ou à leurs héritiers, en allant contre le teneur de ces présentes, et au dict sire Jehan prendeur, ses Hoirs ou aïans cause ou porteur de cestes grever ou nuire. En tesmoing de ce, nous lieutenant de bailly et hommes dessus nommé, avons mis nos seaulx à ces présentes lettres, faites, passées et recongnuttes à Sammer le treizième jour de frévier ‘an mil chinq sens et six. Tesmoing.

Gérard Holuigue
Initié
Initié

Nombre de messages : 64
Age : 81
Ville : Melbourne (Australie)
Logiciel de Généalogie : Geneatique
Forumeur n° : 4076

Date d'inscription : 15/03/2015

Revenir en haut Aller en bas

Voir le sujet précédent Voir le sujet suivant Revenir en haut

- Sujets similaires

 
Permission de ce forum:
Vous ne pouvez pas répondre aux sujets dans ce forum